نامه ای به زبان ترکی از " علی احمدی آده " (ع . اورمولو) ، شاعر آذربایجانی به علیرضا ذیحق

آچیقلاما :

علی احمدی آده کی " ع. اورمولو " و " اورمواوغلو " ایمضالاری ایله یئنی یه دوغرو آددیملایان  قاباقجیل شاعیر لریمزدندیرو اونون " گؤزو یاشلی کوچه لر " و " نارگیله " آدلی کیتابلاری آذربایجان شعری نین اَن اوجا زیروه لرینده یئر توتور

  

 

آچیقلاما :

علی احمدی آده کی " ع. اورمولو " و " اورمواوغلو " ایمضالاری ایله یئنی یه دوغرو آددیملایان  قاباقجیل شاعیر لریمزدندیر و اونون " گؤزو یاشلی کوچه لر " و " نارگیله " آدلی کیتابلاری آذربایجان شعری نین اَن اوجا زیروه لرینده یئر توتور منیم اَن چوخ سئودی ییم بیر شاعیر اولاراق ، ایلک گؤروشوموز 1358 نجی ایلده " اورمیه دانیشگاهیندا " کی اوردا آذربایجان عاشیقلاری حاققیندا بیر پروگرام کئچیریلدی وسایین " اورمولو " او مجلیس ده شعر اوخویاراق آپاریجیلیق دا آپاریردی اتفاق دوشدی و بو دوسلوق اونون شعرلرینی تبریزده یایینلانان " دده قورقود " درگی سینده چاپ ائتمک و مکتوب لاشماق واسیطه سیله ایللر بویو دوام ائتدی.

 سونرالار آرادان زمان کئچدی و آدرس لریمیز دییشیله رک بیر- بیریمیزدن خبر سیز قالدیق.  اونودماسام اگر 1365 نجی ایلده ، تهران دا اونون آدرسینی رحمتلی" اوستاد" م.ع . فرزانه " نین یاردیمی ایله تاپاراق گؤروشونه گئده رکن ندَنسه اونو توتقون گؤره رک اؤزومه آلدیم و بئله لیک له او بیزیم بو گونه جان سون گؤروشوموز اولدو. سونرالار " کیهان " گونده لی یی نین آذری تورکجه سینده چیخان " یول " درگی سی نین اؤزل و آردیجیل حالدا چیخماسی ، کی حؤرمتلی شاعیرده اوردا اَمک داشلیق ائدیردی یئنی دن بیزی بیر بیریمیز له مکتوب یولو ایله یاخین لاشدیردی و من دوستجا اولسادا اوندان آزجا گیلئی لندیم و او بو مکتوبو یازاراق،منیم حاقسیز اولدوغومو دئدی و دوزده دئدی و من یئنی بیر مکتوب یازارکن اوندان عوذور دیله دیم .

سون گؤروشوموزدن سونرا ایندی 20ایل دن آرتیق دیر کی نه اونون من دن خبری وار و نه منیم اوندان . تکجه دونن گئجه " نارگیله " کیتابینی او خویاراق ، اونون بو مکتوبواَلیمه کئجه رک حئییفیم گلدی کی اومکتوبوآذربایجان دیل و ادبیات وورغونلارینا هدیه ائتمه یه م و بئله لیک له گؤرکملی شاعیریمیزی آیری ادبیات چی لاریندا یادینا سالمایام .

علیرضا ذیحق

18/10/ 87 – خوی