شعری به زبان ترکی از علیرضا ذیحق / آختاریب بول داها

  

علیرضا ذیحق

آختاریب بول داها

چانتامی باغلاییب گئتمه ک ایستیره م

یوروب منی بو گلدی ییم یول داها

شام کیمی یانیب سؤنمک ایسته میره م

یاراشماز باغبانا ، سولا گول داها

نه قار وار نه چن نه کیریده ن کولک

تکجه یوخدورگولوش، دونیادا گولک

قفس ده هارای ، داردا ترلان تولک

یاراشماز وولقانا اولا کول داها  

قاطار قاطار خاطیره ، چکیر قاطار

عؤمرون سون باهاری ، اولدوزلار باتار

آدامین بختی ده ، ییخیلیب یاتار

یاراشماز اینسانا ، اولا قول داها

چاتمیشام مقصده ، قیریلیب قاناد

کیمسه قالمیر سونا ، نه تانیش نه یاد

ائولاد دا آنلامیر یوخدورآغزین دا داد

گودورلر چانتان دا اولا پول داها

حیات یولداشین دا بعضَن یاد سنه

ائدیر اهانت دویغو بیلمیر یئنه

یولچو قاطاردان گرک دیر ائنه

اؤلوم کندیرین آراییب بول داها