قصه ای به زبان ترکی / قفس / حکایه / علیرضا ذیحق

   علیرضا ذیحق

قفس

 حِکایه

ساچ‌لارینا دن دوشوب آغارماسی، اونو قورخودوردو و صاباح‌لاری دوشونمه‌دییی اوچون پئشمان ایدی. مغرور و گؤزل بیری ایدی و هئچ اینانمیردی کی زامانین پنجه‌سینده بوزولموش و اَزیلمیش قالا. چوخ ائلچیسی اولسا دا آختاردیغی کیشینی اونلارین ووجودوندا گؤره‌نمیردی.

   علیرضا ذیحق

قفس

 حِکایه

ساچ‌لارینا دن دوشوب آغارماسی، اونو قورخودوردو و صاباح‌لاری دوشونمه‌دییی اوچون پئشمان ایدی. مغرور و گؤزل بیری ایدی و هئچ اینانمیردی کی زامانین پنجه‌سینده بوزولموش و اَزیلمیش قالا. چوخ ائلچیسی اولسا دا آختاردیغی کیشینی اونلارین ووجودوندا گؤره‌نمیردی. ائله بیریسی‌نین دالیجا ایدی کی هالیوودون آرتیست‌لرینه اوخشایا و وارلی دؤولتلی بیری اولا. او ایل‌لر کی بختی اوزونه گولوردی فورصت‌لری یاندیریب اونلاری اوولاماغا چالیشمامیشدی. بیری ده وارایدی کی بَرک بیله سینه عاشیق ایدی و بیرایل تامام عائیله سی ائلچی اولاراق گلیب گئدیردیلر کی اونادا یوخ دئمیشدی. بیرگون اوغلانین آناسی دئدی: “قیز قحط‌لییی دئییل یا کی بیز بیر آیری سینی تاپماقدان عاجیز اولاق یوخ . فقط اونون گؤزو سنین دالینجادی. سنه عاشیق اولوب و هرنه ده دئییریک قولاق آسمیر. شیطان آتیندان ائن و بلی دئه …”
شیرین ایل‌لر ایدیلر و سانکی جوانلیق هم مئشه‌لیک ایدی . آمما غافیل کی بو گونلر هامیسی اؤتن ایمیش و او ایندی یئرده گؤی ده بیر ائلچی اختارسادا ، کیمسه قاپینی دؤیموری . ایندی اؤیله زامان کئچیب کی تکجه قوجا آناسی قالیب دی و بیرده او . بیر ائوده یاشاییر کی صاباح آناسی اؤلورسه ، بئش آلتی ورثه باشینا تؤکولوب ائوی ساتاجاق لار . او بو دوشونجه لرله یاشاسادا یئنه گؤزوقاپی دا دیر کی بلکه بیله سینه بیر طالیب تاپیلا.او یارالی بیر قوش کیمی کی غروری اونو اوخلاییب ، اؤزونو قفس ده حیس ائدرکن کئچن گونلرین حسرتین یاشاییر و اؤز اؤزونه دئییر:
“گؤره‌سن اوزوم گوله‌جک‌می؟”