شعری به زبان ترکی / آنادیلی / علیرضا ذیحق

شعری از صمدبهرنگی به زبان ترکی / نرجمه : علیرضا ذیحق ( به همراه متن اصلی به زبان فارسی)

 

شعر ترکی / آنا حسرتی / علیرضا ذیحق

آنا حسرتی

گؤرمه‌یه گلدیم سه گؤره بیلمه دیم

پریشان ساچلارین هؤره بیلمه‌دیم

دوداغیم‌ تیتره‌دی سسیم چخمادی

آنا جان دردینه دؤزه بیلمه‌دیم

کردی‌ده گوللرین یاشیل قیرمیزی

سئوه‌‌ردین یارپیزی گولونرگیزی

گؤزلرین یام یاشیل حیات اولدوزو

بیلمزایدیک قدرینی واللاه دوزی

ناغیل‌لار دئیه ردین اوشاق کن‌ بیزه

زامان سارسیدارکن کؤچورتدو دیزه

جان آناسؤیله ییب آنا دیلده من

حئیرانام سن‌ قویوب گئده‌ن هرایزه

                                                                                                19/7/79

شعر ترکی /سئودا ... شعری از علیرضا ذیحق

علیرضا ذیحق

سئودا

نه کئچن گونلره  گون چیخار  بیرده

نه درمان تاپیلار کؤهنه لمیش درده

 ییرتیلماسین حورمت دئییلن پرده

باریشیق دونیادا ان گؤزل سؤز دور

***

اوره ک لر شن اولسون سؤزلریمیز دوز

 دوز اینسان یاشاسین دونیادا یوز

دُوس دا قانماز اولسا تئز بوراخ ال اوز

آجی سؤز هر زامان سؤنمه ین کؤز دور

* * *

داشسین کؤنولده محبت سئل لری

داراسین سئودامیز ساچاق تئل لری

اونوتمایاق وطن داشی ائللری

ائولاد لار وطنه  اینان کی گؤز دور

1396

ترجمه ی شعری از مفتون امینی به زبان ترکی / ترجمه : علیرضا ذیحق

یدالله مفتون امینی

ترجمه به ترکی : علیرضا ذیحق

ایل لر گئتدیلر

ساری آتلار کاروانیندان دوشمه میش

ماوی چایین اهمالجا آخیشی لا

ایللر گئتدیلر.

ایللر

یئنی جه دامادلارکی اوزگون ایدیلر

سون قوروش لاری دار گرده ک لرین یاریمچیق یانان

چیراغ لاری اؤنونده فایدا وئرمه میش!

ایللر گئتدیلر

ایللر گئتدیلر و اؤزلریله سئوگی نی ده، ماهنی نی دا آپاردیلار

آلمانی، اوزوگو، قدحی، گزمه گی و اوچو شؤدا آپاردیلار!

سحر یئلی چیرپینارکن، اوتانسین شمعین وفاسیندان

سحر کؤچن لر گئجه دوستلاری ایله وداع لاشمایینجا

ایللر گئتدیلر

لحظه لر قالدیلار

سون فورصت، نه قدرده آزراق و قورخوداجاق

یادیگار قالمیش بیر سیگارتک، مسلول بیر شاعیرین یانیندا

بیر عؤمور یاندیریلمامیش.