مفتون امینی و عا شیقلی کروان کیتابی
علیرضا ذیحق
دوغما ائله و تورپاقا باغلی لیق ، " مفتون " پوئزیاسی نین جانلی بیر حیصه صی دیر . چاغداش فارس شعری نین اَن اوجا زیروه لرینه یوکسه لن مفتون امینی ، آنا دیلده ایسه نهنگ بیر شاعیر دیر . " عاشیقلی کروان " * پوئه ماسی هله ده موعاصیر آذربایجان ادبیاتی سماسیندا ، ایشیقلی بیر گونش دیر :
گونش دن سونرا آی وار سونرا اولدوز
ایشیلیق ایتمه ین دی ، چوخلی آزلی
یدالله مفتون امینی
ترجمه به ترکی : علیرضا ذیحق
ایل لر گئتدیلر
ساری آتلار کاروانیندان دوشمه میش
ماوی چایین اهمالجا آخیشی لا
ایللر گئتدیلر.
ایللر
یئنی جه دامادلارکی اوزگون ایدیلر
سون قوروش لاری دار گرده ک لرین یاریمچیق یانان
چیراغ لاری اؤنونده فایدا وئرمه میش!
ایللر گئتدیلر
ایللر گئتدیلر و اؤزلریله سئوگی نی ده، ماهنی نی دا آپاردیلار
آلمانی، اوزوگو، قدحی، گزمه گی و اوچو شؤدا آپاردیلار!
سحر یئلی چیرپینارکن، اوتانسین شمعین وفاسیندان
سحر کؤچن لر گئجه دوستلاری ایله وداع لاشمایینجا
ایللر گئتدیلر
لحظه لر قالدیلار
سون فورصت، نه قدرده آزراق و قورخوداجاق
یادیگار قالمیش بیر سیگارتک، مسلول بیر شاعیرین یانیندا
بیر عؤمور یاندیریلمامیش.
مفتون امینی / ترجومه : علیرضا ذیحق
بولوتلار و غم لر
بیرجه تانری
و مینلر بولوت، مینلر گؤیده
و هربولوت
هر گؤی ده بیر باشقا چئشید
بیرجه دونیا
و مینلر غم، مینلر اورهک ده
و هر غم
هر اورهک ده بیر آیری تهر
یئللر
بولوتلاری گتیریرلر
و یاغیش سیزلاری آپاریرلار
خاطیرهلر
غملری گتیریرلر
و آغلاییش سیز لاری آپارمیرلار
بولوتلار
و غملر
توزاناق و سولغون غملر
کیتکجه رنگلری و گؤز یاشلاری بولوتلارا بنزه ییرلر
کاش
بوندان آرتیق بیر- بیر لرینه بنزهردیلر
یا هئچ زامان و اصلا ...
سورغو- سؤال
پولسوز پاراسیز بیرکیشی
اولابیللم
قادینسیز بیر کیشیکیمی
یاشایا بیللم
اینام سیز بیرکیشی تک
اؤله بیللم
ادامه مطلب ...مفتون امینی / ترجومه : علیرضا ذیحق
درد هاواسی
عاطیفهجان!
یادیندامی گنجلی ییمیز
کی بیلمزایدیک گوندوزلرنه سایاغ گلیر
و گئجهلر نه جور اؤتور؟
ادامه مطلب ...