علیرضا ذیحق
اومود
علیرضا ذیحق
اومود
گئجه لر یامان – یامان
چؤکورسه ده
زمانه نین تختینه
اینسانلارین بختینه
یا کدر لر، آیریلیق لار
اینجه – اینجه سانجی لار
قارا – قارا بولوت کیمی
دامجی ااولوب دامسالار
اوره یین جانینا
دویغولارین تئلینه
گونش نورون ساچمازسا دا
کؤنول لره ، وارلیق لارا
یا ابلمک – ایلمک تور توخونسا
اینسانلارین عؤمرونه
یقین بیل بیر گون چاتار
کؤچر بولوت ،
باهار گلر ، یاز گلر
اوغلان قیزلار گوله رک
آل الوان ال لری نن
ایشیق لاری
دره رک
قولتوق - قولتوق
هر اوره یه
گول سَپَرلر!