علیرضا ذیحق
یاشاییش
من هله گلمهدن
گلیب گؤرمهدن
یاشا بویا دولمادان
یاشاردی دورمادان حیات
یاشا بوغاردی گؤز یاشلاری
یاشلیلاری کؤرپهلری!
علیرضا ذیحق
یاشاییش
من هله گلمهدن
گلیب گؤرمهدن
یاشا بویا دولمادان
یاشاردی دورمادان حیات
یاشا بوغاردی گؤز یاشلاری
یاشلیلاری کؤرپهلری!
هم ده دونیا یاشاداردی
داشا- داشا زنگینلری
قیزل یوکلو گمیلری
آشا- آشا دنیزلهری!
من هله گلمهدن
گلیب گؤروب سئومهدن
سئوگی سئودا بیلمهدن
سئویب سئومک آتشی
اورهک لرده یاناردی
چوخلاری دا سئودیگی،
سئودالییا
یاناردِی!
من هله گلمهدن
سن ده گلیب چیخمادان
اینسانین پیرتلاشیق بختینین ساچی
گوموش دن قیزیلدان آلسادا رنگی
مرمیلر گوللهلر
اورهکلر دئشیب
بیلکلر قالدیریب
چؤکن بایراقی!
بایراقی توپراقی قیزیل قانلیلار
قورتولوش هایلاییب
آلین تریله
قارانلیق کؤچسهده
گونشگلسهده
اوفوقتک آغارمیش
ائلین ساچلاری!
من هله گلمهدن
اونلار گلیب چاتمادان
آغلی توزلو قارالی
گونلر گلیب کئچهجک
انسانین قانیرا
سئوگی سئودا جانیدا
بایراقلارا چؤنه جک!
تازا شعریزدن چوخ کیف آلدیم
آهنگینن خوشلاندیم